Drejtoresha e ISHP, Albana Fico, u shpreh se qarkullimi i këtij varianti tregon se ne nuk e kemi përfunduar situatën, ndaj duhet që personat që kanë simptoma, të karantinohen.
“Nëse për një moment harruam që jemi në këtë situatë, qarkullimi i këtij varianti tregon që nuk e kemi përfunduar këtë detyrë. Ky proces vijon, për të çuar në mënyrë të përsëritur mostra. Ajo që do të kërkoja nga qytetarët është që në fund të ditës të mos anashkaloni këshillat. Mbajtja e maskës, ruajtja e distancës, higjiena, janë kryefjala. Nëse keni kryer dozën e parë, kryejeni edhe dozën e dytë. Persona e vaksinuar me të dyja dozat kanë shans minimal për t’u prekur nga Covid-19″, u shpreh Fico.
“Të gjithë ata raste që kanë nevojë për ndihmë të shpejtë mjekësore, të telefonojnë në numrin e urgjencës 127”, këshilloi Fico.
