Përgatiti për “www.shendeti.com.al”: Elena Beta
Nëse jeni grua dhe jeni mbi moshën 50 vjeçare, duhet të jeni të kujdesshme në lidhje me dietën tuaj. Dieta e lartë në proteina dhe më konkretisht, prania e mishit të kuq tek dietat tuaja, mund t’ju vendosë në rrezik për sëmundjet e zemrës, sipas një hulumtimi të fundit!
Studimi, i prezantuar në seancat shkencore të Shoqatës Amerikane të Zemrës, zbuloi gjithashtu se shkalla e shfaqjes të sëmundjeve të zemrës, ka qenë dukshëm më e lartë tek gratë që konsumuan një sasi të madhe të proteinave, krahasuar me gratë që hanin më pak proteina, ose ato që merrnin më shumë proteina nga perimet se sa nga kafshët.
Autori i studimit, Mohamad Firas Barbour gjithashtu komentoi se edhe pse proteinat bimore duket të kenë efekt mbrojtës nga sëmundjet e zemrës, studime të tjera janë të nevojshme për të parë më tej gjendjen.
Ekipi gjithashtu ka gjetur se pavarësisht nga mosha, raca ose etnia, niveli i arsimimit, ose në qoftë se gratë kishin tension të lartë, diabet, anemi, rritja e proteinave të marra nga mishi shton rrezikun e sëmundjeve kardiovaskulare tek femrat.
Udhëzimet aktuale nga Shoqatëa Amerikane e Zemrës, rekomandojnë një dietë që fokusohet tek frutat, perimet, drithërat, arrat, produktet me pak yndyrë të qumështit, mishit të pulës (pa lëkurë), dhe peshk të paktën dy herë në javë, sidomos varieteteve të larta në omega-3 dhe acide yndyrore të tilla si salmon dhe troftë. Udhëzimet gjithashtu rekomandojnë kufizimin e mishit të kuq dhe ushqimeve apo pijeve me sheqer.
Burimi: zeenews
