Një rast i rrallë është shënuar në Kosovë, ku një foshnje ka lindur me antitrupa kundër Covid-19 nga nëna e saj, e cila ishte vaksinuar më herët kundër koronavirusit.
Foshnja u testua pas ardhjes në jetë dhe rezultoi me antitrupa kundër sëmundjes. Mjekët e postuan fletën e analizave në rrjetet sociale duke treguar rezultatin e tyre. “Çdo kush mund të vaksinohet, ju rekomandoj të gjithë shtatzënat të vaksinohen. Siç e shihni edhe tek foshnjat e juaja do të prodhojë antitrupa, edhe ato do të jenë të mbrojtura falë jush!” kanë shkruar ata. Ministri i shëndetësisë, Arben Vitia qe shprehur më herët se do t’i propozojë Qeverisë së Kosovës masa të reja për të luftuar pandeminë si pasojë e rritjes së numrit të të infektuarve me koronavirus.
