“Në tavolina të rrumbullakëta me pjesëmarrjen e të gjitha autoriteteve shëndetësore vendimmarrëse u premtua që lista nr.2 e pajisjeve dhe materialeve mjekësore do të dilte përpara zgjedhjeve lokale në qershor 2015. Pse nuk doli kjo listë? Ku ndodhet kjo listë? Ku shkuan premtimet”. Është kjo pyeta e ngritur nga Shoqata e Fëmijëve dhe të Rinjve me Diabet, ndërsa i bashkangjitet fjala e ish-kreut të Fondit të Sigurimit të Detyrueshëm të Kujdesit Shëndetësor.
Në fakt, ende sot e kësaj dite të sëmurët me diabet vazhdojnë të kenë mungesa në fisha dhe në mjekimin që ata marrin për një sëmundje kronike të stabilizuar dhe nga e cila do të vuajnë gjithë jetën e tyre. Megjithatë, edhe kohë pas premtimeve, ata vazhdojnë të zvarriten duke harxhuar para të shumta, pavarësisht të qenit taksapagues të rregullt të këtij shteti./Shëndet+
