Kryefaqja Aktualitet Kufizohet lëvizja në Kosovë, mbajtja e maskës kthehet në detyrim

Kufizohet lëvizja në Kosovë, mbajtja e maskës kthehet në detyrim

0
Shpërndaje

Gazetare: Klevisa GJIKA

Kosova i rikthehet masave të ashpra, si pasojë e numrit të lartë të të infektuarve të raportuar kohët e fundit.

Për parandalimin e përhapjes së mëtejshme të virusit, shteti fqinj ka bërë të detyrueshme mbajtjen e maskës dhe lëvizjen e të moshuarve në fasha të caktuara orari. Lëvizja është kufizuar edhe për qytetarët në Komunën e Mitrovicës së Jugut, Gjilanit, Fushë Kosovës dhe Shtërpcës. Për këta të fundit, orari kufizohet që ditën e sotme nga ora 21:00 deri në orën 05:00.

Përveç kësaj, të gjithë ata që duan të hynë në territorin kosovar duhet të paraqesin një test negativ të bërë brenda 72 orëve të fundit. Ky rregull vlen për qytetarët që duan të lëvizin nga Maqedonia e Veriut, Bosnjë e Hercegovina dhe Mali i Zi drejt Kosovës.

Kujtojmë se numri total i vdekjeve ka shkuar në 102, ndërsa numri i të infektuarve në 4931.

LËR NJË MESAZH

Please enter your comment!
Please enter your name here