Përshtati për gazetën “Shëndet+”: Blertina Koka
Kimikatet që gjenden tek disa objekte shtëpiake, si dorezat prej llastiku, prezervativët apo tek biberoni i fëmijëve, mund të shkaktojnë kancer, paralajmërojnë ekspertët e Organizatës Botërore të Shëndetësisë.
Sipas ekspertëve të shëndetësisë, përbërësi kimik MBT (emri i plotë është 2-mercaptobenzothiazole), i cili përdoret në fabrikën e gomës, duhet të futet në “listën e shkaktarëve të kancerit”.
Në konventën e mjekëve, që u zhvillua në Lion të Francës, 24 ekspertë nga 8 shtete dolën në përfundimin se substancat që gjenden tek këto objekte janë po aq të rrezikshme sa mishi i kuq, duhani dhe shkaktarë të tjerë të kancerit.
Listës së produkteve që përmbajnë këtë substancë i shtohen edhe gomat e makinës, dysheku me ajër, rripat elastikë, kapelat që përdoren gjatë notit etj.
Studiuesit kanë zbuluar se këto kimikate shkaktojnë kancer të fshikëzës, zorrës dhe një lloj të veçantë të kancerit të gjakut.
Burimi: The Telegraph / https://shendeti.com.al/
