Përshtati në shqip për “shendeti.com.al”: D.Bardhi
Sipas studimeve më shumë se 200 viruse mund të shkaktojnë të ftohur dhe grip në sezonin e vjeshtë – dimrit. Në rastet më të këqija këto viruse mund të shkaktojnë ftohje në një shkallë të rëndë, pneumoni, infeksione të ndryshme në trup, astmë etj.
Është shumë e rëndësishme që të kujdeseni për veten në mënyra natyrale dhe të “shpetoni” pa u sëmurur dhe pa përdorur antibiotikë, të cilët në të gjitha rastet shkaktojnë efekte anësore.
Ja cilat janë ushqimet më të mira që ju mbrojnë nga virozat e vjeshtë-dimrit:
Supë pule: kombinimi i lëngut të pulës me perime të shëndetshme është i mahnitshëm për të luftuar të ftohurën dhe gripin.
Frutat agrume: vitamina C gjendet me shumicë në agrumet si portokall, mandarinë, qitro, limon etj. Sipas studimeve frutat agrume zvogëlojnë simptomat e të ftohurës deri në 23%.
Hudhër, qepë: janë antibiotikë të shkëlqyer dhe kanë veti të forta anti-septike, anti-bakteriale, anti-inflamatore dhe ndihmojnë në rritjen e imunitetit.
Xhenxhefil: çaji i tij lehtëson simptomat e ftohjes, lehtëson kollitjen dhe acarimet e fytit.
Mjaltë: është një mrekulli për trajtimin e problemeve të fytit. Vetitë e tij antioksidante dhe antimikrobale ju ndihmojnë të luftoni infeksionet nga viruset, bakteret dhe kërpudhat.
Kos: kosi përmban një element të quajtur Lactobacillus reuteri, i cili lufton me viruset e formuara në trup në periudhën kur jeni të ftohur apo me grip.
Vera e kuqe: resveratoli dhe polipenolis janë elementet më të rëndësishme në verë. Vetitë antiinflamatore dha antibakteriale të këtyre elementëve ndihmojnë në parandalimin dhe lehtësimin e simptomave të gripit dhe të ftohurës.
Burimi: Step to Health
