Elona Tereziu, gazeta “Shëndet+”
“Sprinter Day”, aktiviteti i fundit sportiv për sezonin dimëror, mblodhi këtë të shtunë nën ethet e një gare mjaft të fortë notarët e vegjël të akademisë së notit “Te Stela Sport Center”.
Të ndarë në tre kategori, A,B dhe C rreth 80 notarë, meshkuj dhe femra për mosha të ndryshme (7-18 vjec), garuan me njëri-tjerin duke dhuruar emocione tek publiku i pranishëm në sallë.
Ky aktivitet zhvillohet për herë të pestë, dhe i paraprin kampionatit kombëtar të notit për fëmijë, i cili do të mbahet në fund të muajit qershor.
Profesor Sadik Mema thotë që ky aktivitet, përvecse teston notarët, jep mundësi edhe për seleksionim.
“Gjithcka shkojë mirë, patëm rezultate mjaft të mira nga notarët e vegjël. Ky aktivitet na jep mundësinë të përzgjedhim/seleksionojmë lojtarët e dalluar, por edhe kampionatet ku do të marrim pjesë. Nuk mund të flasim për klasifikim ekipor, sepse më tepër ishte garë ku notarët e Stelës konkurruan me njëri-tjetrin duke thyer edhe rekorde personale, por që spikatën notarët, si: Ergi Veli, Greis Koxhaku, Sonja Kapedani, Xhon Diko, Endri Kola, Glorja Ndoja etj.”
Julja Mitre, një nga kampionet e Stelës, tregon që tani pas katër vitesh not dhe stërvitje të vazhdueshme e ndjen veten shumë më të fortë dhe të shëndetshme.
Kam katër vite që stërvitem këtu tek “Te Stela“, sot theva rekord në 50 metra stil i lirë, gjatë kësaj kohë kam parë shumë benefite në trupin tim, pasi ndihem shumë më e fortë dhe e shëndetshme. Unë mendoj se të gjithë fëmijët duhet të merren me një sport, cfarëdo lloj sporti, qoftë ai pasi bën shumë mirë për shëndetin.”
Mbyllja e këtij aktiviteti, shënon edhe celjen e sezonit veror.
Për çdo interesim në lidhje me këtë artikull apo personat e përfshirë, ju lutemi të kontaktoni “Te Stela Sport Center” në 067 20 333 10 , sport-estetike@testela.al ose në Facebook: “Te Stela”.
