Një tjetër fushatë vazhdon në vend lidhur me mamografitë lëvizëse. Megjithatë, çuditërisht, ende në vend nuk ka të dhëna të
Mamografët lëvizës në Kuçovë
sakta lidhur me mamografitë e kryera në periudhën tetor-nëntor 2014. Teksa u fol për vizitën e djeshme të ministrit Beqaj në Kuçovë, në njoftimin për shtyp thuhet se “nga të dhënat e disa analizave paraprake” vlerësohet se më shumë se 10 në 1000 gra të ekzaminuara përfundon në një diagnozë tumori të gjirit.
Kështu rezulton se pavarësisht se mamografitë janë kryer 5 muaj më parë, shumica e grave nuk kanë ende një përgjigje lidhur me mamografinë e kryer prej tyre.
Fushata me mamografitë në fakt përfshin vetëm ekzaminimin. Por nuk bën leximin e saj. Kohë më parë
Reagimet e njerëzve në FB e Ministrisë së Shëndetësisë në lajmin për mamografitë
ministria njoftoi se leximet do të bëheshin në Tiranë për gjithë Shqipërinë dhe ndërkohë, ende sot nuk ka përgjigje për mamografitë e kryera.
Në një prononcim për gazetën “Shëndet+”, mjeku Petrit Vargu tha se “ministria duhet të dalë dhe të deklarojë rezultatet e ekzaminimeve të mamografisë që mori përsipër të kryejë gjatë fushatës së luftës kundër kancerit të gjirit”.
Nga ana tjetër, në lajmin e publikuar nga ministria lidhur me mamografitë, nuk janë të paktë njerëzit të cilët e kanë cilësuar atë si propagandë, duke u ankuar lidhur me ilaçet jocilësore, për mungesën e barnave dhe ujit të ngrohtë nëpër spitale. Çuditërisht, përgjigjja nga ministria për këto ankesa është: “për barnat mund ta lini komentin tuaj në portalin e-barna online”
