Është ndarë nga jeta Dr. Fatmir Priftit, i cili ishte mjek anestezist-reanimator në shërbimin onkologjik.
Dr.Fatmir Prifti
Lajmin e ka dhënë ministrja e Shëndetësisë dhe Mbrojtjes Sociale , Albana Koçiu, përmes një postimi në rrjete sociale.
Mjeku prifti ka dhënë një kontribut prej 37 vitesh në QSUT.
Postimi i ministres Koçiu:
Me trishtim të madh mora lajmin për ndarjen nga jeta të Dr. Fatmir Priftit, mjek anestezist-reanimator në shërbimin onkologjik, me një kontribut të çmuar prej 37 vitesh në QSUT. Një profesionist i përkushtuar dhe i respektuar, që do të mbetet gjithmonë në kujtesën tonë për humanizmin dhe përkushtimin e tij.
Ngushëllime Rubenës, familjes, të afërmve dhe kolegëve.
