Përshtati në shqip: Blertina Koka
Njerëzit me grup gjaku jo-0 janë më të rrezikuar nga ataku në zemër dhe goditja në tru, sugjeron një studim i ri. Shkencëtarët thonë se kjo mund të ndodhë për shkak të një proteine që shkakton mpiksje të gjakut, e cila gjendet në nivele më të larta tek njerëzit me grup gjaku A, B dhe AB.
Këto përfundime mund të ndihmojnë mjekët të kuptojnë më mirë kush është më i rrezikuar nga sëmundjet e zemrës, thonë hulumtuesit shkencorë. Megjithatë, organizatat e zemrës thonë se njerëzit duhet të fokusohen tek mënyra e shëndetshme e ushqyerjes dhe të heqin dorë nga duhani për të ulur rrezikun e zhvillimit të këtyre sëmundjeve.
Studimi, i publikuar gjatë kongresit të Shoqatës Evropiane të Kardiologjisë, analizoi të dhënat përfundimtare të disa studimeve të ndryshme, ku janë përfshirë 1.3 milionë njerëz. Pasi u analizuan këto të dhëna, shkencëtarët zbuluan se 15 në 1000 njerëz me grup gjaku jo-0 kishin pësuar atak në zemër, krahasuar me 14 në 1000 persona me grup gjaku 0. Edhe pse diferenca është e vogël, po të merret në konsideratë e gjithë popullsia, numri rritet konsiderueshëm.
Studime të mëparshme kanë treguar se njerëzit me grupin më të rrallë të gjakut, AB, janë më të rrezikuar nga sëmundjet e zemrës ( rreth 23% e tyre vuajnë nga këto sëmundje).
Ka një sërë faktorësh që mund të rrisin rrezikun e zhvillimit të sëmundjeve të zemrës, si duhanpirja, të qenët mbipeshë dhe ndjekja e një mënyre jetese të pashëndetshme.
Për të gjitha këto gjëra mund të bëjmë diçka, përveç grupit të gjakut.
Kujdesuni për shëndetin e zemrës!
Parandaloni sa nuk është vonë problemet e zemrës me një Check – Up tek Spitali Continental, i cili kushton vetëm 5000 lekë dhe në të përfshihen:
• Vizitë kardiologu
• EKG
• Eko e zemrës
• Lipidogramë
• Glicemi
Rezervo tani vizitën tënde në numrat e kontaktit :+355 697004000 ose +355 44506666.
Adresa: Rruga “Ali Demi”, tek ish-Poligrafiku, Tiranë.
Për Ju, Për Familjen, Për jetën!
SPITALI CONTINENTAL
Burimi: BBC / Shendeti.com.al
