Kemi lajme jo të mira për njerëzit e prekur nga depresioni: Sipas një studimi të ri suedez, nëse nëna ose babai janë në depresion, ka shumë gjasa që fëmija të lind para kohe.
Këto foshnje mund të kenë probleme serioze me shëndetin, nga moszhvillimi i trurit deri tek paraliza 
celebrale, që mund të shfaqet më vonë, në moshë madhore. Në studim u përfshinë më shumë se 3600 fëmijë të sapolindur, prindërit e të cilëve kishin shfaqur shenja depresive gjatë periudhës së shtatzënisë.
Ndërsa studimet e mëparshme kanë sugjeruar se gratë që janë në depresion ose kurohen me ilaçe kanë rrezikshmëri më të lartë që të lindin para kohe, ky studim i ri është i pari që ka përfshirë edhe baballarët, për të parë nëse ka ndikim gjendja e tyre mendore tek fëmija.
Në studim janë shqyrtuar të dyja sekset: Baballarët që vuajnë nga depresioni kronik duket se nuk sjellin rrezik për një lindje të parakohshme, por meshkujt që sapo kishin hyrë në fazë depresioni në momentin kur ishte ngjizur fëmija, kishin 38% më shumë rrezik për të pasur fëmijë të lindur para kohe, nga 22 deri pas 31 javësh shtatzëni (zakonisht shtatzënia zgjat 37-42 javë).
Ekspertët sugjerojnë prindërit që po planifikojnë të bëhen me fëmijë, që të kurohen më parë nga depresioni, për të ulur kështu rrezikun që fëmija të lind para kohe.
Përshtati për gazetën “Shëndet+”: Blertina Koka / Burimi: Cosmopolitan
