Nga Alma Lahe
Covid-19 ka mbërritur në 195 vende në mbarë globin. Lufta është ende në fillimet e saj dhe askush nuk e di se sa do të zgjasi. Tashmë nga fronti i luftës kanë filluar të mbërrijnë edhe lajme të mira për fitore të vogla. Deri disa minuta më parë numri i të shëruarve të konfirmuar në të gjithë botën arriti në 102,513, ku vendin e parë vazhdon ta mbajë Kina me 73,159 persona, në vendin e dytë është Irani me 8,376 dhe të tretin Italia, me 7,432 të shëruar.
Edhe nga Spitali Infektiv i Qendra Spitalore Universitare “Nënë Tereza” Tiranë janë shënuar 5 të shëruarit e parë.
Vetëm në 24 orët e fundit janë shëruar 3,442 të infektuar, nga 3,127 të shëruar një ditë më parë.
Mjekët dhe infermierët po bëjnë të pamundurën për të shpëtuar jetë.
Jepini mundësi ta fitojnë këtë luftë për të gjithë ne.
Shkëput zinxhirin e përhapjes!
Bëj pjesën tënde!
Rri në shtëpi!
Lufto virusin!
Mos dil!
