Përshtati në shqip: Arlinda Rexhmati
Me rritjen e shqetësimit rreth koronavirusi nëpër botë, ekspertët rekomandojnë larjen e duarve si një nga mënyrat më të mira për të qëndruar të shëndetshëm. Por, shumë prej nesh edhe pse kemi vite që e bëjmë diçka të tillë nuk i lajmë duart në mënyrën e duhur.
Sipas Qendrës për Kontrollin e Sëmundjeve (CDC) këta janë 5 hapat për larjen e duarve në mënyrën e saktë:
- Lagini duart me ujë të pastër, të rrjedhshëm (të ngrohtë ose të ftohtë), mbylleni rubinetin dhe aplikoni sapunin.
- Shkumojini duart tuaja duke i fërkuar me sapun. Shkumoni dhe fërkoni pjesën e pasme të duarve, ndërmjet gishtave dhe poshtë thonjve.
- Fërkojini duart për të paktën 20 sekonda. Nëse nuk jeni i mirë me kohën këndoni dy herë nga fillimi në fund këngën e ditëlindjes. Sa të zgjasë kënga (dy herë) aq duhet të zgjasë fërkimi i duarve pasi keni aplikuar sapunin.
- Shpërlajini mirë duart me ujë të pastër dhe të rrjedhshëm.
- Thajini duart duke përdorur një peshqir apo kartpeceta të pastra.
Por, nëse nuk keni ujë? Përdrorni solucion(dizinfektues) për duart që përmban të paktën 60% alkool. Aplikojeni atë në duar dhe gishta dhe lëreni të thahet. Edhe kjo kërkon deri në 20 sekonda.
Burimi: CDC
