Një nga pyetjet që me të drejtë qytetarët kanë ngritur gjatë kësaj kohe ka qenë në lidhje me lëvizjen e tyre në rast se kanë një problem shëndetësor që nuk ka lidhje me pandeminë.
Përmes një njoftimi në Facebook, kryeministri Rama njoftoi se në një rast të tillë qytetarët do të marrin një leje të posaçme për arsye shëndetësore.
Ja hapat që duhen ndjekur:
-Qytetari duhet të ketë një dokument mjekësor për vizitën.
-Qytetarin mund ta shoqërojë vetëm një person tjetër.
-Autorizimi vlen vetëm për rrugën shtëpi-qendër shëndetësore-shtëpi.
-Aplikimi do të kryhet përmes shërbimit ONLINE “Leje per dalje“ për arsye shëndetësore, në e-Albania.
– Identifikohuni në portalin e-Albania përmes llogarisë tuaj
-Klikoni shërbimin “Leje për Dalje”
-Zgjidhni opsionin “Leje për arsye shëndetësore”;
-Shkruani saktë daten, orën e lëvizjes dhe itinerarin me destinacionin përkatës
-Në rastet kur lëvizja për arsye shëndetësore do të bëhet me automjet:
-Nëse mjeti është në pronësinë tuaj, do t’ju shfaqet direkt në listë.
Nëse jo, ju mund të shtoni manualisht të dhënat e mjetit: Targën dhe numrin e shasisë së tij
Dhe shtypni “Dërgo” për të përfunduar aplikimin
Miratimi do të dërgohet në adresën e-mail dhe në numrin e telefonit të regjistruar në portal.Kërkesa për leje për arsye shëndetësore bëhet vetëm në e-Albania.
Ata, që lëvizin pa lejen nga e-Albania dhe nuk zotërojnë dokument mjekësor për të justifikuar leje-daljen për arsye shëndetësore, kryejnë një shkelje që ndëshkohet në bazë të Aktit Normativ dhe masave të reja në Kodin Penal!
