Kryefaqja STUDIME DHE RAPORTE Lejoni fëmijët të ecin zbathur

Lejoni fëmijët të ecin zbathur

0
Shpërndaje

Ilma Lamçe

Na ka ndodhur të gjithëve të ecim zbathur dhe kënaqësia e fëmijëve për të ecur kudo zbathur është e madhe. Por prindërit nuk i lejojnë fëmijët të ecin pa këpucë sepse kanë frikë së fëmijët e tyre mund të sëmuren.

Por pasi të lexoni studimin e fundit lidhur me efektet pozitive që sjell ecja zbathur, nuk do t’i pengoni më fëmijët tuaj të ecin pa këpucë. Ekspertët theksojnë se ecja zbathur nxit zhvillimin e trurit dhe zhvillimin ndijor tek fëmijët. Sistemi ndijor është sistemi kryesor që lejon zhvillimin e trurit. Kjo fazë është shumë e rëndësishme sepse duhet të rriten sa më shumë të jetë e mundur ndërveprimet që fëmijët kanë me botën.

Ekspertët theksojnë se duke i lejuar fëmijët të ecin zbathur në shtëpi, në plazh apo gjatë një shëtitje, ata mund të pasurojnë sistemin ndijor dhe të kenë një zhvillim më të shpejtë dhe më të plotë të trurit. Ecja zbathur u jep atyre mundësinë për të zbuluar dhe stimuluar të gjitha shqisat.

Këmbët janë pjesët më të pasura me nerva në trupin e njeriut, pra ato kontribuojnë në ndërtimin e rrugëve neurologjike në tru. Nëse i detyroni fëmijët të veshin gjithë kohës këpucë, ju po u hiqni atyre të gjitha mundësitë për të krijuar lidhje të reja nervore.

LËR NJË MESAZH

Please enter your comment!
Please enter your name here