Denisa Canameti, gazeta “Shëndet+”
Në komisionin e sotëm parlamentar ka folur edhe deputeti i LSI-së dhe ish-ministri i Shëndetësisë Petrit Vasili.
“Po flisnim për problemin e urgjencës dhe na doli një urgjencë e re, urgjenca e paqartësisë këtu. Ne nuk kemi për të hequr dorë asnjëherë nga modeli i urgjencës paraspitalor si ky i Urgjencës së Tiranës. Kemi garantuar një ligj urgjence për ta bërë më efektiv”.
Duke kundërshtuar ministrin Beqaj, Vasili tha: “Gabon te Urgjenca Kombëtare, qendër që s’ka përfunduar ende dhe nuk ka marrë funksionet e saj ende. Ndërkohë që s’kemi kokën, po shpërbëjmë trupin. Ne trurin s’e kemi. Urgjenca Kombëtare, siç ishte ideuar, do të kishte një kokë. Do të merrej me koordinimin. Do të merrte sinjalin dhe do t’ia transmetonte urgjencës më të afërt. 140 deputetët e parlamentit nuk e dinë fare se si do të jetë kjo urgjencë dhe ky është një problem shumë i madh. Çfarë kemi për t’u fshehur këtu ne?”
