Përshtati në shqip për “shendeti.com.al”: D.Bardhi
Sipas një studimi të publikuar në Revistën Amerikane e të Ushqyerit Klinik, u konstatua se lëngu i shegës ka veti të fuqishme anti-aterogjenike. Kjo do të thotë se konsumimi i rregullt i lëngut të shegës mund të parandalojë akumulimin e depozitave yndyrore në muret arteriale.
Shega përmban nivele të larta polipenoli dhe antioksidantësh, elementë të cilët parandalojnë lezionet aterosklerotike dhe zvogëlojnë oksidimin e kolesterolit të keq në gjak. Shumë studime tregojnë për efektet e fuqishme anti-inflamatore të lëngut të shegës, të cilat parandalojnë bllokimin e arterieve nga yndyrnat.
Kur arteriet bllokohen, qarkullimi i oksigjenit dhe rrjedhja e gjakut reduktohen. Përveç kësaj kur arteriet qëndrojnë të bllokuara për një kohë të gjatë ndikojnë në funksionimin e zemrës dhe japin dëme të mëdha në sistemin kardiovaskular.
Ja përfitimet e tjera shëndetësore sjell lëngu i shegës:
- Efekt anti-inflamator- inflamacioni është shpesh fajtori kryesor i zhvillimit të sëmundjeve kronike, përfshirë këtu edhe sëmundjet e zemrës.
- Efekt anti-bakterial dhe anti-fungal, parandalon zhvillimin e infeksioneve sekondare virale dhe bakteriale
- Zvogëlon rrezikun e zgjerimit të zemrës
- Ka veti të fuqishme antioksidante
- Ul tensionin e lartë të gjakut
Burimi: Cure Joy
