Denisa Canameti
Mamografia falas ka qenë kryefjala e këtij muaji. Por ky shërbim prej disa ditësh nuk po funksionon në Poliklinikën Qendrore të Tiranës (poliklinika numër 3). Të pyetura se kur do të rikthehet shërbimi i mamografisë, punonjëset e kësaj qendre shëndetësore, thonë se nuk e kanë idenë.
Ndërkohë, disa ditë ma parë Ogerta Manastirliu, drejtore e QSUT-së tha se “prej orës 14 deri në orën 20:00, kabinetet janë të hapura. Janë falas ekografitë dhe mamografitë. Mbi 40-45 vjeç mund të bëhet mamografia. Me anë të një karte identiteti, çdo paciente mund të vijë dhe të kryejë kontrollin”.
Ministria e Shëndetësisë në fillim të muajit tetor nxori urdhër që mamografitë të bëheshin falas veçanërisht për gratë mbi moshën 45 vjeç. Disa ditë më parë gazeta “Shëndet+” raportoi mungesën e mjekut onkolog dhe të mamografive në spitale të ndryshme të vendit.
