Teksa prezantuan shumëfishimin e bonusit për lindjen e fëmijëve, Manastirliu deklaroi sot se po punohet për të përmirësuar të gjithë sistemin parësor përsa i përket materniteteve.
Më tej ministrja e Shëndetësisë bëri me dije se ka filluar puna për rikonstruksionin e maternitetit të Sarandës dhe Korçës e se shpejti do rikonstruktohen edhe maternitetet e Kukësit, Lezhës dhe Beratit.
“Po përfundon investimi i rëndësishëm për maternitetin e ri të Sarandës. Vijojmë me investime të munguara ndër vite, në maternitetin e Beratit, të Lezhës, të Kukësit, Matit, Pogradecit, etj., me synim që shërbimi për nënën dhe fëmijën të jetë cilësor dhe afër vendbanbimit”, tha Manastirliu.
Sipas ministres Manastirliu, materniteti i ri i Korçës do të ketë 45 shtretër, dy salla operacioni, dy salla lindjeje, repartin e Neonatologjisë, Reanimacionit, etj dhe i shërben një popullate prej 270 mijë banorë.
