Denisa Canameti
Fshati i Marinzës është i njohur si zonë gazi me një ndikim negativ në shëndetin e njerëzve. ISHP në studimin më të fundit të prezantuar në Konferencën Ndërkombëtare të këtij viti, prezantoi edhe një raport lidhur me impaktin që ka pasur ekspozimi i 
banorëve ndaj elementëve të ndryshëm të gazit.
Në studim ishin përzgjedhur 100 persona, të ndarë në: persona që jetonin afër zonës së gazit dhe persona që jetonin larg zonës së gazit. Studimi u bazua në një pyetësor të shpejtë.
83% e personave të përgjigjur kishin probleme me djegien e syve dhe probleme me lëkurën.
19.2% e të pyeturve raportuan se dikush nga familja e tyre kishte probleme me astmën, 11% e pjesëmarrësve raportuan se në familjen e tyre kishte anëtarë që vuanin nga problemet pulmonare. Gjithashtu, kjo popullatë tregon që vuan nga probleme të shumta të hipertensionit, si dhe probleme me kancerin e gjirit.
Duhet theksuar se studimi përfshin një periudhë 12-mujore. Kjo do të thotë që këto probleme banorët nuk i kanë shfaqur vetëm gjatë periudhës kur plasi gazi, por edhe më përpara.
