Mbajeni hundën ngrohtë. I ftohti u hap rrugë sëmundjeve. Një gjë e tillë pohohet nga Universiteti i Jeilit. Virusi i të ftohtit mund të riprodhohet më shumë kur 
në hundë temperatura ulet dhe është më e ftohtë krahasuar me temperaturën e përgjithshme të trupit tonë. Kjo konfirmon atë këshillën e gjysheve tona, që na këshillonin të mbulonim gojën dhe hundën në mot të ftohtë.
Kërkuesit e dinë prej kohësh se shkaku më i shpeshtë i të ftohurit të zakonshëm, rinovirusi, shumëfishohet më lehtë në ambiente më të ftohta të hundës krahasuar me të ngrohtin e mushkërive. Megjithatë, studimet e kryera deri tani nuk ishin përqendruar në faktin se si temperatura e trupit ndikon në mënyrën se si virusi përballet me sistemin imunitar.
Grupi i kërkuesve ka analizuar qelizat e marra nga rrugët ajrore të disa minjve. Këto janë krahasuar me përgjigjen imunitare të rinovirusit kur qelizat mbahen në temperaturë 37 gradë, temperatura mesatare e trupit, ose në 33 gradë.
“Kemi zbuluar se përgjigjja imunitare e natyrshme ndaj rinovirusit ndryshon në temperatura më të ulëta krahasuar me temperaturën normale të trupit. Në përgjithësi, sa më e ulët temperatura, aq më e ulët është përgjigjja ndaj virusit”.
Kërkuesit e Jeilit shpresojnë t’i aplikojnë këto të dhëna në studimin se si temperatura ndikon në përgjigjen e trupit ndaj gjendjeve të tjera, si p.sh. astma e fëmijëve./ La Repubblica
