Në vendin tonë kanë mbërritur edhe 117.000 doza të vaksinës Pfizer, pjesë e kontratës së dytë prej 500 mijë dozash që do të vijnë brenda këtij viti. Këtë lajm e ka bërë të ditur vetë ministrja Manastirliu, e cila përmes një postimi në rrjete sociale shkruan se deri më tani kanë mbërritur 2.379.960 doza vaksinash.
“Sapo mbërritën 117,000 doza të vaksinës Pfizer, pjesë e kontratës së dytë prej 500 mijë dozash që do të vijnë brenda vitit.
2,379,960 vaksina kanë mbërritur deri tani, për të vijuar vaksinimin anticovid, për mbrojtjen e jetës dhe shëndetit të qytetarëve.
Jemi të vendosur të garantojmë vaksinat falas për çdo qytetar, deri në fund të përballjes me pandeminë”, shkruan Manastirliu.
