Rreth 650 mjekë, farmacistë dhe stomatologë do të largohen nga puna. Pas përpunimit të rezultateve përfundimtare nga Qendra Kombëtare e Edukimit, rezulton se ata kanë marrë 0 kredite gjatë ciklit 5-vjeçar të ricertifikimit e për pasojë duhet të përballen me sanksionet që parashikohen në urdhrin e ministrit të Shëndetësisë, Ilir Beqaj.
Kreditet e caktuara janë 150 kredite për mjekët dhe 100 kredite për farmacistët e stomatologët.
Rezulton se 199 mjekë, 72 farmacistë dhe 379 stomatologë kanë 0 kredite.
Gjithashtu 1004 mjekë, 121 farmacistë dhe 366 stomatologë nuk kanë përmbushur detyrimet për mbledhjen e numrit të kërkuar të krediteve.
