Nëse flini tepër ose pak, me kalimin e kohës, mund të bëheni mbipeshë. Ndërsa nëse flini 7 orë në natë, ky është “sekreti” për të qenë në formë. Të paktën ky është konkluzioni i një studimi të kryer nga një ekip shkencëtarësh të “Laval University” të Kebekut, i publikuar në revistën “Sleep”. Për të arritur në këtë konkluzion studiuesit kanë vërejtur sjelljet e gjumit të 276 personave me moshë nga 21 deri 64 vjeç. Nga rezultatet e studimit ka rezultuar se nëse flini më pak se 7 orë në natë për 6 vjet shtoni 1,98 kg. Ndërsa ata që flinin më tepër se 7 orë, për të njëjtën periudhë kohore, shtonin 1,58 kg.
Kjo shpjegohet me faktin se nëse flini pak ose tepër, shkaktoni ndryshime hormonale që mund të stimulojnë oreksin. Arsye tjetër mendohet të jetë fakti që mungesa e gjumit mund të dobësojë personin, duke neglizhuar aktivitetin fizik, i nevojshëm për të ruajtur formën fizike. “Nëse flini tepër ose shumë pak, për disa vjet do të shtoni në peshë. Këto rezualte nënvizojnë nevojën për të shtuar kohëzgjatjen e gjumit, në faktorët ambjental që ndikojnë në shfaqjen e mbipeshës “, ka nënvizuar Jean-Philippe Chaput, koordinator i studimit.
