Përshtati në shqip për “Shëndeti.com.al”: Blertina Koka
Truri i personave mbipeshë duket “10 vite më i plakur” se personat me peshë normale, ka zbuluar një studim i ri. Truri fillon të humbasë me kalimin e kohës materien e bardhë, pjesa e trurit që transmeton informacionin.
Ndërsa tek njerëzit mbipeshë kjo materie fillon të humbasë më parë se tek njerëzit me peshë normale, ka zbuluar ekipi i shkencëtarëve nga Universiteti i Kembrixhit.
Ekipi i hulumtuesve shkencorë nga Qendra e Kembrixhit për Neuroshkencën dhe Plakjen monitoruan trurin e 473 njerëzve të moshave 20-87 vjeç, ku i ndanë në grupin e personave të dobët dhe ata mbipeshë.
Rezultatet, e publikuara tek revista “Neurobiology of Aging”, zbuluan diferenca të dukshme në volumin e materies së bardhë në trurin e personave mbipeshë krahasuar me ata të dobët.
Personat mbipeshë kishin më pak materie të bardhë se homologët e tyre.
Diferenca ishte e dukshme vetëm tek personat e moshës së mesme, që do të thotë se truri fillon të bëhet më i ndjeshëm gjatë kësaj periudhe të moshës.
Burimi: BBC / https://shendeti.com.al/
