Drejtoria e Shëndetit Publik në Vlorë ka mbyllur ditën e sotme tre shkolla pasi nuk plotësonin kushtet higjieno-sanitare.
Burime nga DSHP bëjnë me dije se janë mbyllur shkollat e fshatit Fitore, Bishan dhe Novosele. Sipas Drejtorisë së Shëndetit Publik këto shkolla kishin probleme me higjienën në të gjitha ambientet. “Shkollat nuk plotësojnë kriteret e përcaktuara”, bëhet me dije nga DSHP Vlorë.
Kreu i Komunës Novoselë, Kanan Shakaj, sqaron se mbyllja e shkollave erdhi pas alarmit për ndotjen e ujit të pijshëm. “Disa fëmijë u shtruan në spital ditë më parë. Me të njëjtat simptoma edhe 50 banorë të fshatit Bishan. Mes të sëmurëve, ka edhe persona që nuk kanë pirë këtë ujë”- u shpreh Shakaj. /BW
