Që prej datës 26 nëntor i gjithë personeli i Qendrës Shëndetësore të Njësisë Administrative Xibër në Bashkinë e Klosit është zhvendosur në ambientet e brendshme të shkollës së Mesme të Bashkuar.
Dëmtimi i qendrës është jashtëzakonisht i madh saqë hapësirat boshe duken nga ambientet e brendshme. Prej dy ditësh vijon nxjerrja e të gjitha pajisjeve nga godina për shkak të rrezikshmërisë së lartë që paraqet.
Banorët e Njësisë Administrative Xibër në Bashkinë e Klosit thonë se shteti duhet të marrë menjëherë masa për ndërtimin e një qendre shëndetësore të re, pasi janë më shumë se 3 mijë banorë që presin të marrin shërbim shëndetësorë.
Zhvendosja e Shërbimit Shëndetësorë në ambientet e gjimnazit është zgjidhje provizore, pasi nuk janë kushtet e përshtatshme për këtë shërbim./ Vizion Plus
