Përshëndetje! Ju shqetësoj sërish. A mund të më thoni një maskë për rënie floku, pasi më bie jashtë mase shumë.
Nga mjeku alternativ Hysni Dankshi
Për patologjinë e rënies së flokëve ka shumë alternative mjekimi që mund të aplikohen.
-Një ndër më efikaset renditet ajo me hithër. Merrni 10 lugë gjellë me rrënjë hithre e 10 lugë gjelle më majat e saj, që hidhen në 2 litra ujë dhe ziejnë për 30-50 minuta. Pasi vaket dhe kullohet, lahet koka 2 herë në javë.
-Gjithashtu, ju mund të aplikoni edhe një tjetër metodë. Merrni 2 kokrra qepe të grira imët. Hidhen në gjysmë litri raki rrushi. Shishja e mbyllur lihet 14 ditë në një vend të ngrohtë. Kullohet dhe me lëngun e qepës fërkohet koka çdo mbrëmje.
