Një kirurge e përkushtuar pas punës ka prekur miliona njerëz pasi u fotografua duke kryer një operacion me këmbën e dëmtuar.
Edhe pse me këmbë në allçi, Song Xiaojie vendosi të operojë një paciente me kancer, operacion i cili zgjati për 5 orë.
Ndërsa komenton përkushtimin e saj në punë, dr. Song flet me shumë modesti: “Nuk mund të arrij gjëra të mëdha, por mund të arrij gjëra të vogla me dashuri të madhe”.
Dr. Song punon si drejtuese e Departamentit të Gjinekologjisë në Qendrën Wuhan. Edhe pse kishte vetëm një ditë që e kishte futur këmbën në allci, dr. Song nuk pranoi që të shtyhej operacioni i planifikuar për një paciente që vuante nga kanceri i mitrës.
Që pas dëmtimit të këmbës ajo ka kryer mbi 30 operacione dhe ka vizituar rreth 110 pacientë çdo ditë.
Burimi: Daily Mail / Shendeti.com.al
