Më kruhen sytë shpesh, dhe pothuajse gjatë gjithë kohës i kam të skuqur. Ju lutem a mund të më këshilloni ndonjë trajtim.
Përgjigjet Orjada Agalliu, mjeke okuliste pranë Poliklinikës së Specialiteteve Nr.1
Kruajtja, skuqja dhe lotimi i syve janë problematika të përgjithshme, por që hasen shpesh në okulistikë, ndërkohë që shkaqet mund të jenë nga më të ndryshmet. Prandaj në këtë rast duhet patjetër konsulta me mjekun specialist për të vendosur nëse kemi të bëjmë me një shkak okular, është një infeksion, ka lidhje me strukturën anatomike apo është thjesht një alergji. Pra duhet të gjejmë shkakun se nga vjen, për të vendosur më pas dhe mjekimin adekuat.
