Përshtati në shqip: Blertina Koka
Duhanpirësit duhet të sigurohen të konsumojnë më shumë fruta dhe perime për të parandaluar sëmundjen vdekjeprurëse të mushkërive, paralajmërojnë shkencëtarët.
Konsumimi i tyre në 5 racione në ditë ul rrezikun e zhvillimit të sëmundjes pulmonare obstruktive kronike me 40%, ka zbuluar një studim i ri.
Çdo racion shtesë zvogëlon gjasat me 8% më shumë.
Personat që kanë hequr dorë nga duhani mund të përfitojnë gjithashtu duke ndjekur një dietë të shëndetshme. Të njohura për fuqitë e tyre antioksiduese, ekspertët suedezë mendojnë se produktet e freskëta mund të ndihmojnë në mbrojtjen e mushkërive nga duhani.
Tek këto produkte bëjnë pjesë molla, perimet e gjelbra (sallata jeshile, lakra, spinaqi, kale etj) dhe specat.
Autorja kryesore e studimit, dr. Joanna Kaluza, nga Instituti Karolinska në Stokholm, thotë: Të gjithë duhanpirësit duhet të konsumojnë sa më shumë fruta dhe perime të jetë e mundur”.
“Çdo racion shtesë me fruta dhe perime ul konsiderueshëm rrezikun e zhvillimit të sëmundjes pulmonare obstruktive kronike.
Konsumimi i frutave dhe perimeve nuk ul vetëm rrezikun e zhvillimit të sëmundjes kronike të mushkërive, por edhe sëmundjet kardiovaskulare, kancerin, ndihmon për të mbajtur një peshë normale të trupit dhe shumë përfitime të tjera.
Hulumtuesit shkencorë analizuan të dhënat e më shumë se 44 mijë meshkujve të moshës së mesme për një periudhë 14-vjeçare, duke filluar nga viti 1998.
Në fillim të studimit pjesëmarrësit plotësuan një pyetësor në lidhje me konsumimin e frutave dhe perimeve.
U monitorua gjithashtu edhe historia e tyre e duhanpirjes. Gati 2000 pjesëmarrës në studim u prekën nga sëmundja pulmonare obstruktive kronike gjatë periudhës së studimit. Rreth 2/3 e meshkujve ishin akoma duhanpirës ose ish duhanpirës.
Hulumtuesit shkencorë i ndanë pjesëmarrësit në 5 grupe bazuar tek konsumimi i frutave dhe perimeve në ditë. Pasi bënë ndarjet edhe për mënyrën e pirjes së duhanit, hulumtuesit shkencorë zbuluan një rrezik konsiderueshëm të ulët në zhvillimin e sëmundjes.
Ish-duhanpirësit me konsumimin më të lartë të produkteve bimore ishin 34% më pak të rrezikuar nga sëmundja pulmonare obstruktive kronike. Çdo racion shtesë lidhjen me 4% më pak rrezik.
Burimi: Daily Mail / https://shendeti.com.al/
