Dielli i verës lë shenjat e veta mbi lëkurën tonë. Por si t’ia bëjmë në rast se kemi probleme të tilla? Ja disa këshilla të thjeshta në shtëpi:
Prini një limon me feta dhe lëngun vëreni direkt tek njollat e errëta çdo ditë për 10-15 minuta. acidi në këtë frut do të ndihmojë në zbehjen e njollave, si dhe në largimin e qelizave të vdekura.
Aplikoni xhel aloe vera dy herë në ditë për të përmirësuar zonat e dëmtuara nga dielli. aloe ka veti shëruese natyrale të papërsëritshme.
Vini një bustinë çaji jeshil në ujë të zier për 3-5 minuta. Shtrydheni bustinën në një pambuk dhe fërkojeni njollat me të dy herë në ditë. Antioksidantët që ndodhen në çaj ndihmojnë në shërimin e lëkurës.
Lyejini njollat me dhallë. Kjo është më efektive për njollat që s’kanë dalë në fytyrë. Për njollat në fytyrë lyejini me dhallë dhe lëreni lëkurën ta thithë lëngun për disa minuta.
Thyeni një kapsulë me vitaminë E dhe aplikojeni direkt mbi njollat e lëkurës. Të njëjtat veti që ndihmojnë në zhdukjen e shenjave të plagëve ndihmojnë dhe në zhdukjen e njollave të lëkurës.
Prisni qepën e kuqe dhe fërkoni me të njollat. Acidi i qepës ndihmon në zbehjen e njollave në mënyrë të efektshme.
P.S. Sigurisht para çdo trajtimi do të ishte mirë që të këshilloheshit me mjekun dermatolog
