Një ekip shkencëtarësh nga Instituti i Teknologjisë në Kaliforni kanë ndërtuar disa robotë të cilët mund të arrijnë në vende të paarritshme deri më tani, të trupit njerëzor dhe të lëshojnë medikamentin me të cilin janë ngarkuar.
Studiuesit në Caltech kanë zhvilluar mikrorobotë bioresorbues të krijuar për të shpërndarë ilaçin direkt në vendet e synuara brenda trupit. Këta mikrorobotë, të përshkruar në Science Robotics reduktuan me sukses madhësinë e tumoreve të fshikëzës tek minjtë, duke hapur rrugën për aplikime të ardhshme në mjekësinë precize.
Mikrorobotët janë struktura sferike të bëra nga një hidrogel i njohur si poli (etilen glikol) diakrilat. Këto materiale, të krijuara duke përdorur një teknikë të quajtur litografi e polimerizimit me dy foton, lejojnë dizajne të sakta dhe komplekse. Çdo mikrorobot është afërsisht 30 mikronë në diametër – i krahasueshëm me gjerësinë e një fije floku të njeriut.
Pas 4 dërgesave terapeutike në mbi 21 ditë, robotët rezultuan më efektivë në zvogëlimin e tumoreve krahasuar me rrugët e të tjera të trajtimit të kësaj sëmundjeje.
Pasi e kanë kryer misionin e tyre, mikrorobotët mund të përthithen nga trupi pa shkaktuar asnjë dëm.
