Epidemia gripale dhe i ftohti që ka mbërthyer vendin do të mbajnë shkollat dhe universitetet të mbyllura edhe për një javë.
Ministria e Shëndetësisë ka urdhëruar sot që të mbyllen çerdhet, kopshtet, shkollat dhe universitetet deri më 16 janar.
Ky vendim është marrë, sipas Ministrisë së Shëndetësisë, me qëllim kufizimin e mëtejshëm të përhapjes së virusit të gripit.
Lexoni njoftimin e plotë të Ministrisë së Shëndetësisë:
Me qëllim kufizimin e mëtejshëm të përhapjes së virusit të gripit në vend për të mbrojtur popullatën nga sëmundjet infektive që kanë impakt në shëndetin e saj, Ministria e Shëndetësisë, në mbështetje të nenit 102, pika 4, të Kushtetutës së Republikës së Shqipërisë, si dhe të nenit 7, pika 4 (masa të veçanta) të Ligjit 15/2016, “Për parandalimin dhe luftimin e infeksioneve dhe sëmundjeve infektive”, ka urdhëruar sot më datë 07.01.2017, mbylljen e çerdheve, kopshteve dhe institucioneve të arsimit parauniversitar dhe universitar në datat 9, 10, 11, 12, 13 dhe 14 janar 2017.
