Qeveria ka miratuar listën e re të barnave që rimbursohen nga Fondi i Sigurimit të Detyrueshëm të Kujdesit Shëndetësor.
Në të janë shtuar 60 medikamente të reja të nevojshme për sëmundjet e gjakut, diabetit dhe hipertensionit. Edhe këtë vit, rimbursimi i barnave bëhet në masën 50-100% për disa kategori në nevojë.
Lista e parë e barnave rimbursohet në masën 100%, ndërsa lista e dytë e barnave sipas klasifikimit ATC, në masën 50% deri në 100%, sipas grupeve terapeutike dhe barnave të dhëna në pasqyrën 1 si më poshtë.
Qeveria ka marrë gjithashtu vendim për “miratimin e marzheve të tregtimit për barnat e listës së rimbursueshme, përkatësisht, në masën 8%, për tregtimin me shumicë, dhe 24% për tregtimin me pakicë”.
Për rimbursimin e barnave do të merret Fondi i Sigurimit të Detyrueshëm të Kujdesit Shëndetësor, i cili do të përcaktojë kufizimet në përdorimin, sasinë dhe kohëzgjatjen e trajtimit me barnat e kësaj liste. Vendimi është publikuar dje në Fletoren Zyrtare, ndërsa hyn në fuqi më 1 qershor./ https://shendeti.com.al/
