Përshtati në shqip për gazetën “Shëndet+”: Blertina Koka
Mjekësia në alarm! Po rikthehet epoka kur nuk ekzistonin antibiotikët dhe njerëzit vdisnin nga infeksionet e zakonshme. Në një studim të publikuar të martën, hulumtuesit shkencor të Departamentit të Mbrojtjes konfirmuan se kanë gjetur një superbakter rezistent ndaj të gjitha antibiotikëve. Ky bakter paraqet rrezik të madh për shëndetin nëse fillon të përhapet.
Zyrtarët e shëndetësisë në SHBA kanë bërë publik rastin e parë të një gruaje të prekur nga një infeksion të traktit urinar, i cili ka rezultuar rezistent ndaj çdo antibiotiku, përfshirë këtu edhe antibiotikun më të vjetër “colistin”. Ky antibiotik ruhej për rastet më urgjente, si mundësi e fundit kur antibiotikët e tjerë dështonin.
Në familjen e këtij bakteri përfshihet “Carbapenem-Resistant Enterobacteriaceae”, ose CRE, që sipas shkencëtarëve, është një nga kërcënimet më të mëdha të shëndetit publik.
Antibiotikët sollën revolucion në mjekësi në mesin e shekullit XX, duke i bërë operacionet më të sigurta. Nëse infeksionet nuk do të mund të trajtohen me antibiotikë, njerëzit mund të vdesin edhe nga operacionet apo plagët më të lehta.
Burimi: Voice of America / https://shendeti.com.al/
