Prej një muaji aparatura e grafisë dhe skopisë në pavionin e infektivit janë prishur. Kjo ka detyruaar mjekët që të përcjellin pacientët drejt urgjencës së kirurgjisë.
Mjekët e urgjencës, nga ana tjetër, kanë sjellë një ankesë në redaksinë e gazetës “Shëndet+” duke shprehur indinjatë, pasi sjellja e pacientëve nga infektivi mund të bëhet shkak për infektimin e pacientëve të tjerë dhe madje shkak edhe për infektimin e tyre.
Ata janë shprehur se “Ne nuk punojmë në kushte të siguruara për të pritur këta pacientë”.
Të interesuar pranë pavionit të infektivit për të mësuar diçka më shumë, mjekët tregojnë se aparatura ka 1 muaj që është prishur. Askush nuk është interesuar për ta rregulluar e kështu ata janë detyruar të zgjedhin një tjetër rrugë alternative: atë të dërgimit të pacientëve në urgjencën e kirurgjisë.
Të pyetur nëse ka rrezik kjo zgjedhje/zgjidhje, mjekët shprehen që sigurisht që ka, pasi bëhet fjalë për pacientë të cilët mund të bëhen shkak për përhapje infeksionesh të ndryshme./ D.C.
