Një 48-vjeçar nga Vietnami kishte pirë aq shumë alkool sa mjekët u detyruan t’i japin 15 birra për ta mbajtur në jetë.
Nguyen Van Nhat ishte dërguar në gjendje kritike në spital, me nivelin e alkoolit 1119 herë më të lartë se limiti i lejuar.
Dr. Le Van Lam tregon se i kishin injektuar menjëherë 1 litër birrë për të ngadalësuar përpunimin e metanolit nga mëlçia. Çdo një orë ata i kanë dhënë Nhat 1 kanoçe birrë.
Pas injektimit të 15 birrave, ai ishte plotësisht i vetëdijshëm.
Mjekët shpjegojnë se stomaku dhe zorrët e një njeriu vazhdojnë të transportojnë alkool në enët e gjakut edhe nëse ata kanë ndaluar së konsumuari alkool, dhe për një periudhë kohe nivelet e alkoolit në trup fillojnë të rriten.
Alkooli vjen në dy variante, metanol dhe etanol, ku mëlçia përpunon së pari etanolin.
Pacienti mbeti pa ndjenja kur metanoli nisi të oksidohet e të kthehet në formaldehid, që krijon acid formik vdekjeprurës.
Që ta shpëtonin, mjekët u detyruan t’i fusin 15 birra të mëdha në stomak, që të fitonin kohë për t’i bërë dializë e për ta ndaluar kështu kthimin e formaldehidit në acid formik.
Mjekët gjermanë në spitalin e Freidburgut komentuan rastin, dhe thanë që edhe pse është metodë e pazakontë trajtimi, është faktikisht teori e njohur.
“Ndoshta kolegët vietnamezë nuk kanë pasur një tjetër lloj alkooli aty pranë”, tha mjeku gjerman Hans-Jorg Busch. “Por më e rëndësishme se lloji i alkoolit, është që terapia të nisë në kohë”.
Burimi: The Sun
