Problemet në shëndetësi mund të thuhen nën zë, por ka edhe mjekë që vendosin që ta ngrenë zërin e tyre. Mjekja dhe pedagogia Anika Dokle shkruan për një gjë të tillë në rrjetin social “Facebook”:
“Fushata Antikorrupsion në Shëndetësi!
Zotërinj të kollarisur dhe të parfumosur dhe zonja të veshura në “Prada”, me lista emërore mjekësh në dorë, bëjnë kontrollin e prezencës në Spitalet Terciare. Nuk duan t’ia dinë çfarë nuk shkon me shërbimin spitalor:
-Nuk ka aparatura që të mbulojnë nevojat e spitalit.
-Nuk ka material laboratorik të nevojshem për të bërë DIAGNOZËE të denjë për një Spital Terciar.
-Nuk ka ilaçe, as nga ato që përfshihen në protokollet e trajtimit
-Nuk ka personel të mesëm (vazhdon emërimi i mjekëve të rinj pa kriter).
-Nuk zbatohet Sistemi i Referimit (radhë të gjata të papëerballueshme)
-Nuk ka ngrohje në dimër dhe ftohje në verë etj etj
Asnjë vlerësim të treguesve të performancës së mjekëve! Vetëm PREZENCA (plot mjekë që tolloviten 8 orë nëpër spital)!
Dhe qershia mbi tortë! Kosta Barjaba në krye të kësaj fushate!
Duart lart!”
