“Në Shqipëri po keqpërdoren antibiotikët”. Kjo ishte fjala e pneumologut Hasan Hafizi gjatë një seminari me gazetarët për përdorimin e antibiotikëve.
“Ne e konsiderojmë këtë një problem madhor. Shumicën e rasteve antibiotikët përdorën për sëmundjet virale. Në vendet e tjera rreth 80% e këtyre rasteve nuk trajtohen me antibiotikë, ndërsa në vendin tonë ndodh e kundërta. Janë të rrallë ata mjekë që nuk përdorin në masë antibiotikët.
“Nuk po zbatojmë udhërrëfyesin bashkëkohor për përdorimin e tyre, por po zbatojmë metodën e vjetër të punës. Nuk ka kontroll nga ana e shtetit, kjo gjë nuk ndodh as në Kosovë”, përmbylli Hafizi.
