Mjekja pediatre Vera Koço është përfshirë në një aksident rrugor, së bashku me familjen e saj në orët e para të mëngjesit të sotëm.
Aksidenti ka ndodhur në autostradën Tiranë – Durrës në afërsi të Maminasit, në orën 05 e 20 minuta, kur makina në të cilën ndodhej familja nga Durrësi, i ka rënë nga pas një kamioni.
“DurrësLajm” mëson se nga aksidenti, mjekja e cila sapo ka dalë në pension, ka pësuar frakturë në një këmbë, ndërsa familjarët e saj kanë shpëtuar pa lëndime serioze.
Pas aksidentit, ndihmën e parë në rrugë mësohet se mjekes ia ka dhënë këngëtari i famshëm Noizy, i cili teksa ka qenë duke kaluar aty rastësisht, ka ndalur makinën dhe ka ndihmuar të aksidentuarit.
Mjekja, gjatë transportit në spital, pohoi se ndihma iu dha nga këngëtari i cili kishte bërë të pamundurën për t’i ndihmuar.
Fatmirësisht, të gjithë familjarët e aksidentuar ndodhen jashtë rrezikut për jetën./ https://shendeti.com.al/
