Denisa Canameti, gazeta “Shëndet+”
Në dëgjesën publike lidhur me çështjen e Urgjencës së Tiranës në komisionin e shëndetësisë ishte i pranishëm edhe mjeku i Urgjencës së QSUT-së, Petrit Vargu. Lidhur me shkrirjen e UT-së dhe shpërndarjen e stafit në QSUT, spitalin e Traumës dhe në Senatorium, Vargu tha se ministri i Shëndetësisë nuk di as të kopjojë, pasi edhe modelet që merr i kopjon në mënyrë joprofesionale.
“Në Sanatorium nuk ka urgjencë të përgjithshme. Ata të gjitha urgjencat që kanë, i sjellin në urgjencën e QSUT-së. Si mund të thuash që ata presin urgjenca, kur nuk kanë staf urgjence?! Urgjenca e Tiranës na heq shumë barrë pune. Aktualisht, situata është e tillë që pacientëve po u shërbejmë në karrige për shkak të mbingarkesës që kemi. Tani, me heqjen e Urgjencës së Tiranës do të fillojmë të varim karrige në tavan, sepse nuk na ka mbetur zgjidhje tjetër.
