Pneumologu Adrian Jorgji deklaron se ndërgjegjësimi i qytetarëve ndaj pandemisë covid-19 është ende në nivele të ulëta.
Duke folur në emisionin ‘ABC e Pasdites’, mjeku tha se pacientë të cilët i ka diagnostikuar si të infektuar, kanë lëvizur lirshëm në lokalet apo baret e Tiranës.
“Unë i rri fort ndërgjegjes qytetare. Unë kam parë pacientë të mi, edhe ditën që janë diagnostikuar për kafe apo për një gotë në lokale të ndryshme. Dhe po flasim për pacientë me covid, shpreh keqardhjen për këtë”, u shpreh mjeku.
