Përshtati në shqip për “Shëndet+”: Daniela Bardhi
Veshkat kanë rolin kryesor në heqjen e toksinave dhe mbeturinave nga trupi. Funksionimi i mirë i tyre është thelbësor dhe shumë i rëndësishëm për shëndetin e përgjithshëm. Mosfunksionimi i rregullt i tyre mund të çojë në shfaqjen e shumë sëmundjeve, si pasojë e toksinave dhe mbeturinave që nuk shkarkohen nga trupi.
Sëmundjet e veshkave shpesh shaktohen nga hipertensioni, infeksionet e ndryshme apo diabeti. Trashëgimia është një tjetër faktor që ndikon në sëmundjen e veshkave. Faktorë të tjerë mund të renditen alkooli, pirja e duhanit, mosushqyerja e shëndetshme, mungesa e aktivitetit fizik dhe përdorimi i shumtë i barnave që shkaktojnë probleme në veshka.
Simptomat e para të sëmundjes së veshkave shfaqen zakonisht në rastet kur veshkat nuk e arrijnë më funksionin e tyre dhe urina është e mbushur me proteina. Për fat të keq, shumë njerëz i lënë pas dore shenjat e para të sëmundjes së veshkave, prandaj sëmundja ju agravohet më shumë.
Ja disa nga shenjat e hershme të sëmundjeve të veshkave që s’duhet t’i menjanoni:
- Urinim i shpeshtë
- Njolla në urinë ose urinë me gjak
- Çrregullimet e gjumit
- Të vjella të shpeshta
- Humbje energjie dhe ndjesi lodhje
- Dispepsi
- Aftësi të dobëta në përqëndrim
- Mungesë oreksi dhe shije e keqë në zgavrën e gojës
- Gulçim
- Ndjesi shpimi gjilpërash dhe skuqje të lëkurës
- Dhimbje barku
- Dhimbje muskujsh
- Lemzë e vazhdueshme
- Gjymtyrë të fryra
- Qarkullim i dobët i gjakut
Mbroni shëndetin e veshkave dhe shkoni tek mjeku menjëherë sapo të vini re disa nga këto simptoma./ Burimi: healthandhealthylife
