Sipas një studimi të kryer në Harvard, i cili është publikuar nga revista ‘Psychological Science’, nuk duhet t’u tregosh miqve që je i lumtur.
T’u rrëfesh shokëve të afërt përvojat e tua të jashtëzakonshme, mund të prodhojë efektin e kundërt nga ai i dëshiruari, dhe kjo ndodh për shkak se i bën ata të ndihen “të përjashtuar” nga gjërat pozitive që ndodhin në jetën tënde.
Të ndash lumturinë me të tjerët, sipas shkencës, nuk është gjithmonë kaq e lehtë.
“Gjithmonë kam pyetur veten nëse episodet e mrekullueshme që mezi presim t’ua tregojmë të tjerëve, mund të sjellin më shumë të këqija sesa të mira”, shpjegon autori Gus Cooney, i Universitetit të Harvardit.
Një eksperiment i kryer mbi një grup prej 68 vullnetarësh, mbështet plotësisht të tilla pohime.
“Pjesëmarrësit ishin të bindur se miqtë do të gëzoheshin për eksperiencat e tyre të jashtëzakonshme, por e kishin gabim”, thotë Cooney.
Ai kujton gjithashtu se mbështetet gjithmonë te fakti se ngjashmëria e situatave dhe përvojat tepër pozitive thjesht kanë krijuar distancë mes personave që i kanë përjetuar dhe bashkëbiseduesve. /Psychological Science Magazine
