Dërgimi i letrave elektronike, shikimi i televizionit, dëgjimi i radios, përdorimi i tableteve dhe celularëve, këto janë çka bëjmë të gjithë për momentin. Një 
sjellje gjithnjë e më e zakonshme, sidomos mes të rinjve. Por të jesh “i kudondodhur përmes teknologjisë” apo të përdorësh shumë media njëkohësisht, mund të modifikojë edhe strukturën e trurit të përparmë me efekte negative përkundrejt nivelit të vëmendjes, ankthit dhe depresionit. Këtë tregon një studim i publikuar në revistën “PlosOne”.
Kështu, “multitasking”, para se të vlerësohet si një cilësi, mund të rezultojë një zakon tepër të rrezikshëm: studimi tregoi se personat që përdornin më tepër teknologjinë kishin densitet më të ulët të materialit gri në një zonë të caktuar të trurit të përparmë. Kërkuesit kanë monitoruar 75 subjekte me sjellje “multitasking” apo të tillë që përdorin mjete të ndryshme njëkohësisht.
Rezultoi se këta persona kishin një ndryshim në strukturën e trurit të përparmë që lidhet me përpunimin e informacionit dhe emocioneve. Kjo rrit rrezikun për përqendrim të ulët, humbje të kujtesës dhe ankth./ Arlinda Gjypi
