Përshtati në shqip për “Shendeti.com.al”: Blertina Koka
Kalimi në menopauzë ndikon tek mushkëritë në të njëjtën mënyrë si të kesh pirë 20 cigare në ditë për një dekadë, thonë ekspertët. Sipas tyre, menopauza ndryshon aftësinë e mushkërive për t’u zgjeruar dhe për të nxjerrë jashtë ajrin.
Prandaj gratë në moshë të mesme, të cilave u ndërpritet cikli menstrual, mund të kenë probleme me frymëmarrjen dhe lodhje.
Hulumtuesit shkencorë norvegjezë zhvilluan një studim ku përfshihej matja e madhësisë të mushkërive të më shumë se 1400 grave të grupmoshës 25-48 vjeç.
Ata matën gjithashtu vëllimin e detyruar të frymëmarrjes në një sekondë – sa ajër mund të thithej në një sekondë.
Të gjitha pjesëmarrëset në studim nuk kishin hyrë akoma në fazën e menopauzës dhe u ndoqën përgjatë 20 viteve.
Në fund të studimit shkencëtarët panë se madhësitë e mushkërive të femrave që kishin hyrë në fazën e menopauzës ose e kishin kaluar atë, ishin më të minimizuara seç pritej.
Sipas shkencëtarëve, efekti i menopauzës në dëmtimin e mushkërisë mund ta krahasohej me pirjen e 20 cigareve në ditë për 10 vite.
Burimi: Daily Mail / https://shendeti.com.al/
