Rreth ores 4 të mëngjesit të së dielës një person ka dëmtuar urgjencën e spitalit rajonal të Shkodrës.
Sipas informacioneve, dëmtim ka pësuar monitori i matjes së tensionit dhe defibilatori që shërben për kthimin në jetë të pacientëve të raste sulmesh kardiake. Kryeinfermieri i urgjencës së spitalit të Shkodrës Eduart Gjonaj, deklaron se pajisjet u thyen nga një pacient narkoman.
Eduart GJONAJ: Nga shërbimi i poliklinikës është paraqitur në urgjencën e spitalit pacienti Saimir Haxhia, i cili njihet si pacient narkoman, përdorues i rregullt i drogës. Pacienti ka qenë shumë i agjituar, në momentin e paraqitjes së ambienteve të spitalit. Nga agjitimi i tepër ai ka bërë nëj rrumujë me aparaturat mjekësore të këtij reparti.
Saimir Haxhia është arrestuar nga policia si personi i dyshuar për dëmtimin e urgjencës, ndërsa janë sekuestruar pamjet e kamerave të sigurisë së spitalit për zbardhjen e plotë të ngjarjes dhe vënien e autorit përpara përgjegjësisë. Gjithashtu në pyetje janë marrë mjeku roje i urgjencës së bashku me infermierët dhe rojen e sigurisë./Ora News
