Të gjithë pacientët në pritje për tu futur në sallën e operacionit në repartin e okulistikës, në spitalin francez në QSUT, për ndërhyrje kirurgjikale, duhet të presin edhe nëse ndërhyrja është emergjente.
Mjekëve të këtij reparti u është kërkuar të mos kryejnë më operacione sepse në spital nuk ka penj për të qepur plagët pasi nuk është përmbyllur akoma tenderi për blerjen e këtyre penjve.
Janë burime pranë QSUT që e kanë konfirmuar këtë ngjarje. Mësohet se penjtë e përdorur për qepje pas operacioneve në sy janë shumë të hollë, të padukshëm dhe që shkrihen me lëkurën dhe kostoja e tyre është jo e vogël.
Ndërkohë, po në këtë repart problem është edhe mungesa e lenteve. Ministria subvecionon deri në 1000 lente në vit ndërsa kërkesat për lente janë deri në 5000. Kjo ka shkaktuar kaos e radhë të gjata. /syri.net
